(హ)వర్షోల్లాసం

ఒక చిరు చినుకు రాలినప్పుడు
నా పసి మనసు పరుగులు తీస్తుంది.

మెరుపు మెరవగానే
ఉలికిపాటుతో ఉద్విగ్నపడుతుంది

కిటికీ తెరిచానో లేదో
మనసు కూడా తడిసి ముద్దబంతవుతుంది.

చూరు కింద మా తెల్ల కోడి
రెక్కల కింద పిల్లల్ని ప్రేమ తో తడిపేస్తుంది.

నేను నాటిన విత్తనం
ఆరుబయట మొలవటానికి ఆరాటపడుతుంది.

వాన వెలుస్తుండగానే
నా స్మృతుల రంగులన్నీ హరివిల్లుగా మారిపోతాయి.

-స్వాతి