నిండు జాబిలి కి తోడు మరో చందమామా?
శశి వదనా! నీ మోవి పై అవి నవ్వుల నెలవంకలా
అసలే సిరులు.. చుట్టూ ముత్యాల హారాలా?
లేక కురుల వనం లో మరుమల్లె సరాలా
జ్యోతి శిఖల నడుమ కృష్ణ వర్ణాలా?
మెరుపు కళ్ళలో నల్లటి కనుపాపల మైమరపులా
పసిడి పోత కి హరితపు పూతలా?
హేమలతా! నీవు కదిలితే పచ్చని గాజుల మోతలా!
నిజం చెప్పొద్దూ …పొద్దులో మీ మొదటి ఫొటో కొద్దిగా ఇలానే వుంది.జ్యోతి శిఖల నడుమ క్రిష్న వర్ణాలా అని ఏ ఉద్దేస్యం లో రాసారు?నేను అనుకోవడం కనుల మధ్య నల్లని కనుపాపలని.అది కాదేమొ అని కూడా గట్టి ఫీలింగ్.ఎందుకంటే ఈ వాక్యాలకు క్రిందే మెరుపుకళ్ళలో అంటూ రాసారుగా.
రాధికా, మీరు మొదట అనుకున్నదే కరక్టు.
మిగతా పద్యం అంతా పరిశీలించండి. ప్రతి ద్విపదలోనూ మొదటి పాదం ఒక అలౌకికమైన అందాన్ని చెప్పి రెండో పాదంలో ఆ అందం ఈ బొమ్మలోని స్త్రీలో ఎక్కడుందో చెబుతోంది.
స్వాతిగారూ, బావుంది పద్యం. అన్నట్టు మీరు మా “మీకిష్టమైన సీసపద్యం” సర్వేలో పాల్గోరూ?
ఆహా ఏమి అందం…ఏమి అందం!
నేనన్నది మీ కవిత గురించే…నిఝ్ఝం!
ఆహా… ఎంతందంగా చిత్రించాడండీ చిత్రకారుడు.
మీ కవిత దానికి ఇంకా అందాన్నిచ్చింది.
chala bagundi
anjali
బ్రహ్మాండం.
కవులు, కవయిత్రులు ఇద్దరూ ఆడవారిని అందంగా వర్ణిస్తారు. అలా వర్ణించడం సాధారణంగా పరిగణింపబడుతుంది కూడా. మగవాణ్ణి గురించి కవయిత్రులు వర్ణించడం కూడా కద్దు. అదే ఒక మగవాణ్ణి గురించి కవి వర్ణించాడంటే, నాకు తెలిసినంతవరకూ, ఆ మగవాడెవడో మహాపురుషుడో దైవాశసంభూతుడో అయివుంటాడే గానీ సాధారణ మానవుడు అయుండడు. కాదంటారా?
“అభిజ్నాన” శాకుంతలం లో కాళిదాసు దుష్యంతుణ్ణి వర్ణిచినట్టు గుర్తు. ఒసారి చూడండి.
పొతన గారు రాముడినీ, క్రిష్ణుడిని కూడా వదిలి ఉండరే!!
సాహిత్యంలో పురుషాహంకార భావజాలానికి ఈ వర్ణనల్లో భేదం ఒక ఉదాహరణ అని ఫెమినిస్టు సిద్ధాంతులు అంటారు. అన్నమయ్య అలమేలు మంగ అంగాంగ వర్ణన చేసినట్టు తనకూ శ్రీనివాసుడి ప్రత్యవయవ వర్ణన చెయ్యాలని ఉంది కానీ దానికి ఎక్కడా మార్గదర్శులు లేరే అని ప్రముఖ ఫెమినిస్టు కవయిత్రి జయప్రభ వాపోయారు ఒక వ్యాసంలో.
మగవారి వర్ణనలు జరిగాయి – లేక కాదు. అందులోనూ, నాకు తెలిసినంతలో రానారె గమనిక కరక్టే – వర్ణింపబడినది మహాపురుషులే – వర్ణించేది మహా భక్తులే. రుక్మిణీ కళ్యాణంలో కృష్ణుడు రుక్మిణిని ఎత్తుకు పోవటానికి రథం మీద వేచి ఉండగా రుక్మిణి ఆయన్ను చూసిన దృశ్యం – “కనియెన్ రుక్మిణి చంద్రమండల ముఖున్ ..” అని male oomphకి ఒక మంచి ఉదాహరణ. దీన్ని శ్రీకృష్ణపాండవీయంలో NTR మీద చాలా tastefulగా చిత్రీకరించారు కూడా. ఇక త్యాగయ్య అనేక కీర్తనల్లో రాముడి అందాన్ని పదే పదే పొగిడాడు – ఎంత అంటే ఈ కాలంలో ఈ దేశంలో అలాంటి పొయెట్రీ ప్రచురిస్తే దాన్ని గే లవ్ అనుకో గలరు. ఊరికే పొగడ్డం కాదు .. ఆ పొగిడే కృతుల్లో ఒక తన్మయత్వం కనిపిస్తుంది, మిగతా కృతుల్లో లేనిది.
రఘూ రాముడూ
రమణీయ వినీల ఘన శ్యాముడూ
వాడు-నెలఱేడు-సరిజోడు-మొనగాడు
వాని తనువు మగనీలమేలురా – వాని నగవు రతనాలజాలు రా
వాని జూచి మగవారలైన మరుల్గొనెడు మరో మరుడు మనోహరుడు “రఘూ రాముడూ…”
ఇది వాగ్దానం సినిమాకోసం ఘంటసాలపాడిన శ్రీశ్రీ రచన (శివధనుర్భంగం హరికథలో ఒక భాగం – శ్రీనగజా తనయం – అంటూ ప్రారంభమౌతుంది). త్యాగరాయని తన్మయత్వం గురించిన కొత్తపాళీగారి ప్రస్తావనతో ఇది గుర్తొచ్చింది. ఇంటర్నెట్లో దొరకలేదీ పాట. తీరిగ్గా వెదికి చూడాలి.
[...] ఉండద్దూ? ఏదో కనిపించింది కదా అని లావణ్య కౌముది అనుకుంటూ అంతటి అందాన్ని పట్టుకొచ్చి [...]
@రానారె. మీరీపాటను http://kamesh.wordpress.com నుండి కాని http://chittellas.hlogspot.com నుండి వినవచ్చు. దిగుమతి చేసుకోవచ్చు.
chaala chaala bagundi
ఏ మాత్రం కొత్తదనం లేదు. కవితలన్నీ ఒక స్థాయిలో ఉండేలా జాగ్రత్తపడడం అవసరం.
ayybaboooy
image matram suparandi
nojanga chitrakarudi kunche andam atadhi bommalo kanipistondi